ld it at gb fr

L chestionar

La realisazion dl chestionar per l ALD-II à metù man dl 1999 y é vegnuda scluta ju dl 2001, tegnan cont dles esperienzes fates te cater enquêtes de proa (realisedes te raions dialetalmenter dret desvalifs dla rei ALD). Responsabli per la verscion definitiva dl chestionar é Paul Videsott y Hans Goebl. Autramenter che pro l ALD-I ne é chest chestionar nia plu ordiné aldò dl alfabet dla domanda taliana, ma do tematiches: cialé per chest i ejempli concrec dessot. Endut él tl chestionar 1063 items de domanda, en pert dret complichés, che contegn domandes scemples, domandes plu complichedes sun les formes verbales y domandes sintatiches dret complesses. Laprò él ciamò na pert grafica con dessegns y chedri, che ti vegn metuda dant ai informanc.

L chestionar contegn emplù informazions menudes sun les convenzions de trascrizion per l ALD y deplù tabeles y listes d’utel per la realisazion dl enrescida sun l ciamp. Les domandes, che é demé per talian, vegn completedes con indicazions pensedes demé per i esploradours y che daussa ti slesiré l laour da damané fora. La confezion tecnica (stampa y liadura) di ejemplars dl chestionar adorés é steda tles mans de Hans Goebl.

Chilò dessot végnel prejenté dut l chestionar. An pò sibe platerné tl indesc che ence desciarié y stampé plates soules o dutes les plates.